ئه‌مڕۆش مامۆستا و مووچه‌خۆران له سلێمانى و هه‌ڵه‌بجه و ناوچه‌كانى ده‌وروبه‌ر خۆپیشاندانى ناڕه‌زاییان له‌باره‌ى دواكه‌وتنى مووچه و دامه‌زراندن ده‌ستپێكرد.
له سلێمانى مامۆستا، وانه‌بێژ و مووچه‌خۆران له شه‌قامى سالم و له به‌رده‌م به‌ڕێوه‌به‌رایه‌تیى په‌روه‌رده‌ى رۆژئاوا كۆبوونه‌وه و جه‌ختیان له‌سه‌ر داواكردنى مووچه له‌كاتى خۆى و دامه‌زراندنى وانه‌بێژان كرده‌وه.
هه‌روه‌ك له به‌رده‌م زانكۆى سلێمانى به‌شێك له مامۆستا و فه‌رمانبه‌ران خۆپیشاندانێكى هاوشێوه‌یان ئه‌نجامدا.
خۆپیشاندان له هه‌ڵه‌بجه‌ش له‌لایه‌ن مامۆستا و مووچه‌خۆرانه‌وه له‌ناو بازاڕى شاره‌كه ئه‌نجامدرا.
له گه‌رمیان و ئیداره‌ى راپه‌ڕین-یش مووچه‌خۆران خۆپیشاندانیان ئه‌نجامدا.
