بەپێی بریارێکی وەزارەتی شارەوانی و گەشتوگوزاری هەرێم، سەرجەم شوشتنگەکانی ئۆتۆمبێل پابەندی دانانی سیستمی ریساکلین دەکرێن.
لە نوسراوێکی وەزارەتی شارەوانی و گەشتوگوزاردا هاتووە،” بەمەبەستی پاراستنی سامانی ئاو، سەرجەم شوشتنگەکانی ئۆتۆمبێل پابەندی دانانی سیستمی ریساکلین دەکرێن بۆ ئاوی بەکارهاتوو”.
نوسراوەکە ئاڕاستەی شارەوانییەکانی، ( هەولێر، سلێمانی، هەڵەبجە، دهۆک، کەلار، زاخۆ، سۆران، رانیە) کراوە.
بەپێی نوسراوەکە، لیژنەیەک پێکهێنراوە و چاودێریی سەرجەم شوشتنگەکان دەکرێت بۆ پابەندکردنیان بە بڕیارەکە.
