ئەو ژنەی ماوەی دوو رۆژ بوو لەکاتی بەجێهێنانی عومرە ون بووبوو شەوی رابردوو دۆزرایەوە.
ژنەکە ناوی فکرییە بەھجەت_ە و تەمەنی 59 ساڵە، لەگەڵ برایەکی و چەند کەسوکارێکی دیکەی بە ئۆتۆمبێلی خۆیان بۆ ئەنجامدانی عەمرە چوونەتە وڵاتی سعودیە.
بە وتەی کەسوکارەکەی، فکریە شەوی هەینی براوەتە حەرەمی مەککە و داوا لە کەسێک کراوە بە عەرەبانەی خاوەن پێداویستی تایبەت تەوافی پێبکات لەو کاتەوە ونبووە و دیارنەماوە و هیچ سۆراغێکیان نەزانیوە.
شەوی رابردوو لەدوای هەوڵێکی زۆر فکریە لە شاری مەککە دۆزرایەوە و بە کەسوکارەکەی شاد بووەوە.
