بەڕێوەبەرایەتیی ئاسایشی ڕۆژئاوای سلێمانی ئاشكرایدەكات، “پاڵپشت بە زانیاریی پێشوەختەی هێزەكانمان لە بەڕێوەبەرایەتیی ئاسایشی ڕۆژئاوای سلێمانی گروپێكی تيرۆریستی لە 4ی ئەم مانگە دزەیان كردبووە ناوچەكە و دوای گەیشتنیان بە سنووری ناحیەی سەنگاوی سەر بە قەزای چەمچەماڵ، پیلانیان داڕشتبوو چەندین كردەوەی تيرۆریستی ئەنجامبدەن”.
لە ڕاگەیەندراوەكەی ئاسایشی سلێمانییدا هاتووە، بەر لەوەی دەستبكەن بە جێبەجێكردنی پيلانە تيرۆریستیەكانیان زانیاریی ورد و دروست گەیشتە دەست هێزەكانمان لە بەڕێوەبەرایەتيی ئاسایشی ڕۆژئاوای سلێمانی و دوای وەرگرتنی ڕەزامەندیی دادوەری دادگەی لێكۆڵینەوە شەوی ( 6 لەسەر 7ی ئەم مانگە لە نزیك گوندی كچانی ناحیەی سەنگاو لە لایەن هێزەكانی ئۆپەراسیۆنی بەڕێوەبەرایەتیی ئاسایشی ڕۆژئاوای سلێمانی بەسەرپەرشتی ڕاستەوخۆی بەڕێوەبەری ئاسایشی ڕۆژئاوای سلێمانی و بە ئاگاداری بەڕێوەبەرایەتیی ئاسایشی سلێمانی و بە هاوكاريی هێزی ئۆپەراسیۆنی بەڕێوەبەرایەتيی ئاسایشی سلێمانی ئەو گروپە تيرۆریستیە گەمارۆدران.
ئاماژە بۆ ئەوەش كراوە، لە ئۆپەراسیۆنێكی تایبەتدا دوای ڕووبەڕووبوونەوە و شەڕ بۆ ماوەی 30 خولەك دوو تیرۆریستەكە كوژران و كەسێكی دیكەشیان بە برینداری دەستگیركرا و سەرجەم سنوورەكەش خرایە ژێرچاودێری و كۆنترۆڵی هێزەكانی دەزگای ئاسایشی هەرێمی كوردستانەوە.
