بەڕێوەبەرایەتیی ئاسایشی هەولێر رایدەگەیەنێت، لەلایەن هێزەكانمان دوای وەرگرتنی رەزامەندیی داوەری لێكۆڵینەوەی ئاسایشی هەولێر، لە دوو هەڵمەتی جیاوازدا توانیمان 6 ئەندامی دوو باندی بازرگانیكردن بە ماددەی هۆشبەر دەستگیربكەین.
لە راگەیەندراوەكەدا هاتووە، لە كاتی دەستگیركردنیاندا، دەستمان گرت بەسەر بڕێك ماددەی هۆشبەر لەجۆری (كریستاڵ و هیرۆین و حەبی ترامادۆڵ) و هەروەها چەكێكی بێمۆڵەت لەجۆری (دەمانچە)و ئامێری پێوانەكردن و كەل و پەلی كێشانی ماددەی هۆشبەر.
ئاسایشی هەولێر سوپاسی هاوڵاتییانی خۆشەویست دەكات كە هەمیشە هاوكار و هەماهەنگ بوونە لەپێدانی زانیاری بە بەڕێوەبەرایەتیەكەیان.
