بەهۆی کێشەیەکی تەکنیکییەوە لەکاتژمێر (11:00) شەوی رابردووە، کارەبای دەڤەری پشدەر بە تەواوی پچڕاوە.
وەزارەتی کارەبای هەرێم بڵاویکردەوە، بەهۆی دروستبوونی گرفتێک لە هێڵی (132KV) لە دەروازەی ویستگەی (132KV) قەڵادزێ، لە کاتژمێر 11:00 شەوی رابردووە، کارەبای دەڤەری پشدەر بە تەواوی پچڕاوە.
ئاشکراشیکرد، ئێستا تیمەکانی چاکسازیی بەڕێوەبەرایەتیی گۆاستنەوەی کارەبا سەرقاڵی چاککردنەوەن و چاوەڕوانین لە ماوەیەکی نزیکدا گرفتەکە چارەسەر بکرێت و پێدانی کارەبا ئاسایی ببێتەوە.
