کارەبای سلێمانی رایدەگەیەنێت، “ئەمڕۆ خاوەنی پارەکە سەردانیکردین و پارەکەی رادەستکرایەوە”.
بەڕێوەبەرایەتیی گشتیی کارەبای سلێمانی، ئاماژە بەوە دەکات، “دوای ئەوەی دوێنێ، دووشەممە، کارمەندێکی بەشی کۆپی ھۆبەی فرۆشتنی وزەی سەر بە بەڕێوەبەرایەتیی دابەشکردنی کارەبای سلێمانی/رۆژئاوا، کیسێک دەدۆزێتەوە کە پارەی تێدایە، ئەمڕۆ خاوەنی پارەکە سەردانی بەڕێوەبەرایەتی دابەشکرونی کارەبای رۆژئاوای کرد و رادەستی کرایەوە”.
دەشڵێت، “هاوڵاتییەکە لای خۆیەوە سوپاسی دڵسۆزی و دەستپاکی کارمەندەکەی کردووە”.
ئەوەش لەکاتێکدایە، رۆژی 23ی مانگ، ھێرۆ محەمەد عەبدوڵا، کارمەندی بەشی کۆپیی ھۆبەی فرۆشتنی وزەی سەر بە بەڕێوەبەرایەتیی دابەشکردنی کارەبای سلێمانی/رۆژئاوا، لە کۆتاییەکانی کاتی کاردا کیسێک لە ژوورەکەی دەدۆزێتەوە کە بڕی پێنج ملیۆن دیناری تێدابووە.
