بەڕێوەبەرایەتیی پۆلیسی پارێزگای دهۆک ئاشکرایکرد، شەوی ڕابردوو بەهۆی کێشەیەکەوە لە نێوان دوو بنەماڵەدا، ژنێکی تەمەن 30 ساڵ لە شێخان کوژرا، چەند كەسێكیش دەستگیركراون.
لە ڕاگەیەندراوێکدا بەڕێوەبەرایەتیی پۆلیسی دهۆک ڕایگەیاند، “شەوی ڕابردوو لە شەڕەتەقەی نێوان ژمارەیەک جوتیار و خاوەن موڵکدا لە کۆمەڵگای چڕەی سەر بە قەزای شێخان، ژنێکی تەمەن 30 ساڵ کوژرا”.
پۆلیسی دهۆك ئاشكرایكردووە، “ئەو ژنە بەمەبەستی سەردان چووبووە ماڵ باوکی”.
دەشڵێت، “دوای کەمێک لە ڕووداوەکە، پۆلیس گەیشتووەتە ئەو شوێنە و شەڕەکە کۆنترۆڵکراوە و ژمارەیەک تۆمەتباریش بەوهۆیەوە دەستگیرکراون”.
