سەرۆكی ئێران و شازادەی جێنشینی سعودییە پەیوەندییەكی تەلەفۆنییان ئەنجامدا و پێكەوە دۆخی جەنگیان لە ناوچەكەدا تاوتوێكرد.
میدیاكان بڵاویانكردەوە، محەمەد بن سەلمان، شازادەی جێنشینی سعودیە پەیوەندیی تەلەفۆنی لەگەڵ ئیبراهیم رەئیسی سەرۆك كۆماری ئێران ئەنجامدا بۆ تاوتوێكردنی ئەو جەنگەی لە غەززە و دەوروبەری لە ئارادایە.
ئاژانسی هەواڵی سعودی بڵاویكردەوە، شازادەی جێنشین جەختیكردووەتەوە وڵاتەكەی سەرجەم هەوڵەكانی دەخاتەگەڕ بۆ پەیوەندیكردن لەگەڵ سەرجەم لایەنە نێودەوڵەتی و هەرێمایەتییەكان بۆ وەستاندنی بارگرژییەكانی ئێستا.
هەڵوێستی شانشینی عەرەبیشی دووپاتكردەوە لە رەتكردنەوەی بەئامانجگرتنی هاوڵاتیانی مەدەنی و رشتنی خوێنی كەسانی بێتاوان و، پێویستیی رەچاوكردنی بنەما مرۆییە نێودەوڵەتییەكان.
