سەرۆك وەزیرانی ئیسرائیل پەیامێكی هەڕەشە ئامێزی بڵاوكردەوە و دەڵێت، “هەموو هێزی خۆمان بۆ تۆڵەسەندنەوە بەكاردەهێنین و داوادەكەین دانیشتووانی غەززە بچنە دەرەوە چونكە هەر شوێنێك حەماسی لێبێت وێرانی دەكەین”.
بنیامین ناتانیاهۆ سەرۆك وەزیرانی ئیسرائیل ئەمشەو لە پەیامێكی هەڕەشە ئامێزیدا، سەبارەت بە هێرشەكانی ئەمڕۆی حەماس بۆ سەر وڵاتەكەی دەڵێت، “هەموو هێزی خۆیان بۆ تۆڵە سەندنەوە بەكاردەهێنن و ئەو هێرشانەی رۆژی شەممە باجی قورسی دەبێت”.
هاوكات پەیامێك ئاراستەی لە دانیشتووانی غەززە كرد و دەڵێت،”داوادەكەم بچنە دەرەوە لە شارەكە چونكە هەر شوێنێك حەماسی لێبێت وێرانی دەكەین و شەڕ درێژە دەكێشێت، رۆژانێكی سەخت لە بەردەماندایە، بەڵام سەردەكەوین”.
