سەرۆكی دەستەی تەحریری شام رایگەیاند، لەگەڵ ئاسایبوونەوەی دۆخی سوریا دراوی وڵاتەکە دەگۆڕن و مووچەش بە رێژەی 400% بەرزدەکەنەوە.
ئەحمەد شەرع سەرۆکی دەستەی تەحریری شام رایگەیاند، لە دوای ئەوەی دۆخی سوریا ئاساییبوونەوەی بەخۆیەوە بینی و ئەو دراوەی ئێستا سەقامگیریی بەخۆیەوە بینی، دراوێکی نوێ بۆ وڵاتەکە دەردەکەن بەشێوەیەک کە بەهایەکی بەرزی هەبێت، جگە لەوەش تاووتوێی ئەوەدەکرێت مووچەی فەرمانبەران بە رێژەی 400% بەرزبکەنەوە.
وتیشی، چاککردنەوەی خانووە رووخاوەکان و گەڕانەوەی ئاوارەکان یەکێکن لە کارە لە پێشینەی کارەکانیان.
جەختیشیکردەوە، سەرجەم گروپە چەکدارییەکان هەڵدەوەشێننەوە، چەک تەنها بە دەستی دەوڵەتەوە دەبێت، سەربازیی زۆرەملێ نامێنێت، جگە لە هەندێک پسپۆڕی بۆ ماوەیەکی کەم.
