جێگری سەرۆكی رێكخراوی یەكێتیی مامۆستایانی كوردستان رایدەگەیەنێت، راگرتنی دەوام كاریگەری زۆرخراپی لەسەر پڕۆسەی پەروەردە دەبێت و دەشڵێت، ” مامۆستایان داوادەکەن 30 رۆژ جارێك مووچە دابەشبکرێت”.
عەبدولواحید محەمەد جێگری سەرۆكی رێكخراوی یەكێتیی مامۆستایانی كوردستان لە دیدارێكی تەلەفزیۆنیدا رایگەیاند، ئەوەی لە پرۆِسەی پەروەردەی هەرێمی كوردستان روودەدات لە هیچ وڵاتێكدا رووینەداوە و پێویستە وەزارەتی پەروەردە بەپەلە چارەسەری ئەو كێشەیە بكات و بەهانای مامۆستایان و داواكارییەكانیانەوە بچێت و ناكرێت ناوەندەكانی خوێندن لە چەند شوێنێك رابگیرێن و وەڵامی داواكاریی مامۆستایان نەدرێتەوە.
راشیگەیاند، وڵاتی باش بە پڕۆسەی پەروەردەی باش دەناسرێتەوە و مامۆستایانیش داوای ئەوە دەكەن 30 رۆژ جارێك مووچەیان پێبدرێت، بەو پێیەی راگرتنی دەوام كاریگەری زۆر خراپی لەسەر پڕۆسەی پەروەردە لە هەرێمی كوردستان دەبێت.
