پۆلیسی نەهێشتنی تاوان لە سلێمانی تۆمەتبارێكی دەستگیركرد و ئەو كەرەستانە ئاشكرادەكات كە لە شوێنی نیشتەجێبوونی تۆمەتبارەكەدا دەستیان بەسەردا گیراوە.
بەڕێوەبەرایەتیی پۆلیسی پارێزگای سلێمانی راگەیەندراوێكی بڵاوكردەوە و ئاشكرایكرد، لەلایەن مەفرەزەكانی بەشی پۆلیسی نەهێشتنی تاوانی سلێمانییەوە تۆمەتبارێك بە بڕێك ماددەی هۆشبەرەوە دەستگیركرا .
“لە كاتی گەڕان و پشكنین لە شوێنی نیشتەجێبوونی تۆمەتبارەكەدا، دەستگیرا بەسەر بڕێك ماددەی هۆشبەر لەگەڵ چەند کەلوپەلێکی بەكارهێنانی ماددەكە”، پۆلیسی سلێمانی ئەمەی بڵاوكردووەتەوە و دەڵێت، “تۆمەتبار (ه، ب، م) بە بڕیاری دادوەر و بەپێی ماددەی 26 لە یاسای بەرەنگابوونەوەی ماددە هۆشبەرەكان راگیراوە”.
