بەپێی پێشبینییەکانی کەشناسیی هەرێم، باران بارین لە ناوچەکانی هەرێم بەردەوام دەبێت و لە ناوچە شاخاوییەکانیش بەفر دەبارێت، پلەکانی گەرما نزم دەبنەوە.
بەڕێوەبەرایەتیی گشتیی کەشناسی و بومەلەرزەزانیی هەرێم رایگەیاند، “ئەمڕۆ پێنجشەممە کەش هەوری تەواو دەبێت لەگەڵ باران بارین بەشێوەی نمە باران لە هەندێک کات و هەندێ ناوچە بارانی مامناوەند دەبێت، باران بارین لەسەرجەم ناوچە جیاجیاکانی هەرێم دەبێت، بەڵام بەئاستی جیاجیا لەسەر لوتکەی شاخە بەرزە سنوورییەکان بەفر دەبارێت”.
باس لەوەش دەکات، پلەکانی گەرما بە ( 2 -1 )پلە، بەراورد بە تۆمارکراوەکانی دوێنی نزم دەبنەوە.
لەبارەی کەشوهەوای سبەینێوە بەڕێوەبەرایەتییەکە دەڵێت، سبەی هەینی کەش بەدرێژایی کاتەکان هەوری تەواو دەبێت، باران بارین لەهەندێک کات لەسەر ناوچە جیاجیاکان بەشێوەی نمە باران و بارانی مامناوەند دەبارێت، لەناوچە شاخاوییە سنووریەکان و ناوچە شاخاوییە بەرزەکان بەفر بارین و بارانی مامناوەند دەبێت، پلەکانی گەرما، بە (1-2) پلە بەراوورد بە تۆمارکراوەکانی ئەمڕۆ نزم دەبنەوە.
بەرزترین پلەکانی گەرمای پێشبینیکراو بە پلەی سیلیزی :
هەولێر : 14 پلەى سیلیزى
سلێمانی : 10 پلەى سیلیزى
دهۆک : 10 پلەى سیلیزى
کەرکوک : 15 پلەى سیلیزى
هەڵەبجە : 10 پلەى سیلیزى
زاخۆ : 10 پلەى سیلیزى
گەرمیان : 13 پلەى سیلیزى
حاجی ئۆمەران: 1 پلەى سیلیزى
سۆران : 7 پلەى سیلیزى
