بەڕیوەبەرایەتیی تەندروستیی هەڵەبجە رایدەگەیەنێت، لە چوارچێوەی هەوڵە بەردەوامەکانمان دەستمان بەسەر نزیکەی 57تۆن خوێی خۆراکییدا گرتووە کە هاوتای تایبەتمەندی عێراقی نەبوون.
لە درێژەی هەوڵەکانیاندا، یەکەی پشکنینی خۆراکی مەرزی سەرتەک -پشتەی سەربە بەڕێوەبەرایەتیی گشتی تەندروستیی هەڵەبجە ئاماژە بەوەدەکات، “لە پێناو پاراستنی تەندروستیی هاووڵاتیان و ڕێگریکردن لە ساغکردنەوەی خۆراکی هاوردەکراو، کارمەندانمان توانیان دەستبگرن بەسەر 56 تۆن و 700 کیلۆگرام خوێی خۆاکی کە هاوتای تایبەتمەندی عێراقی نەبوون”.
دەشڵێت، “لێرەوە دڵنیایی دەدەینە هاووڵاتیان ڕێگە بەساغکردنەوەی خۆراکی ناتەندروست نادرێت و داوا لە هاووڵاتیان دەکەین هاوکارمانبن لە بوونی هەر حاڵەتێکی لەوجۆرە یاخود هەبوونی کۆگایەکی نەشیاو کە خۆراکی ناتەندروست بڵاوبکاتەوە”.
