وەزارەتی کارەبای هەرێمی کوردستان رایدەگەیەنێت، “دەست بە جێبەجێکردنی سیستەمی پریپەید بەهەمان نرخی پێشوو بۆ هاوبەشانی کارەبا دەکرێت لە چەند گەڕەک و زۆنێک”.
ئاماژە بەوەشدەکات، کۆبوونەوەیەکی فراوانی تایبەت بە پڕۆسەی پریپەید بەڕێوەچوو و تێیدا گفتوگۆ لەبارەی میکانیزمی جێبەجێکردنی سیستەمی پریپەید لە پارێزگا و ئیدارە سەربەخۆکان بە هەمان نرخی پێشووی کارەبا کرا.
دەشڵێت، “وەزارەتی کارەبا شوێنەکانی جێبەجێکردنی سیستەمی پریپەید بۆ هاوبەشانی کارەبا دیاری دەکات و لەسەر بنەمای داواکاریی شوێنەکان نابێت، بۆ ئەو مەبەستە، چەند گەڕەک و زۆنێک لە سنووری سەنتەری پارێزگاکان و سەنتەری ئیدارە سەربەخۆکان وەک پلانی دەستپێکردنی پرۆسەکە دەستنیشان کراون”.
