لەم مانگەدا براوەى تۆپی ئاڵتون ئاشکرادەکرێت و هەموو پێشبینییەکانیش بۆ ئەوەن لیۆنێل مێسی ئەرجەنتینی بەدەستی بهێنێت
ئەلبەرت ماسنۆ لە ڕۆژنامەى سپۆرت دەڵێت بۆ یەکەمجار لە مێژووی تۆپە ئاڵتونییەکەدا، براوە لە یانەیەکی کیشوەری ئەوروپا یاریی ناکات و لە ئەمریکاوە دێت بۆ بەدەستهێنانی خەڵاتەکە.
ماسنۆ پێیوایە مێسی لە مۆندیالدا هەموو شتێکی کردووە بۆیە بە شایستەیی خەڵاتەکەى پێ دەدرێت.
نزیکترین ڕکابەر لە مێسییەوە هالاندی نەرویجی و هێرشبەری مانچستەر سیتی ئینگلیزییە کە وەرزی رابردوو سێ ناسناوە گرنگەکەى بەدەستهێناوە (چامپیۆنزلیگ و فاکەپ و خولی ئینگلتەرا)
