وەزارەتی دارایی و ئابووری هەرێم بڵاویکردەوە، ئەمڕۆ بەغداد بڕی 250 ملیار دیناری رەوانەی هەرێم کرد.
لە راگەیەندراوەکەی وەزارەتی دارایی و ئابووری هەرێمدا هاتووە، “کەمێک لەمەوبەر بڕی 250 ملیار دینار لە رێگای بانکی رافیدەینەوە خرایە سەر هەژماری بانکی وەزارەتی دارایی و ئابوری هەرێمی کوردستان لە لقی هەولێری بانکی ناوەندی عێراق”.
پێشتر ئەنجومەنی وەزیرانی هەرێم بڕیاریدابوو لەگەڵ گەیشتنی پارە لە بەغدادەوە دابەشکردنی مووچە دەستپێبکات.
تا ئێستا وەزارەتی دارایی و ئابووری هیچ خشتەیەکی بۆ دابەشکردنی مووچە رانەگەیاندووە.
