بەپێی زانیارییەکان، تاوەکو ئێستا وەزارەتی دارایی عێراق نووسراوی ئاراستەی وەزارەتی دارایی هەرێم نەکردووە بۆ رادەستکردنی 120 ملیار دیناری داهاتی نانەوتی.
سەرچاوەیەک لە وەزارەتی دارایی هەرێمی کوردستان بە تۆڕی میدیایی ئێستای راگەیاند، لە رۆژی پێنجشەممەی هەفتەی رابردووەوە، 120 ملیار دیناری داهاتی نانەوتیی مانگی هەشت ئامادەکراوە و تەنیا ئەوە ماوە رادەستبکرێت.
وتیشی، تاوەکو ئێستا هیچ نووسراوێکمان لەبارەی رادەستکردنی 120 ملیارەکە بەدەستنەگەیشتووە، بۆیە رادەستنەکراوە.
ئاماژەی بەوەشکرد، پێشبینیدەکەین ئەمڕۆ تا سبەی، نووسراوەکەمان بەدەستبگات.
