وتەبێژی كۆمەڵی دادگەریی كوردستان دەڵێت، “سێ مووچەی مووچەخۆرانی هەرێمی كوردستان لە دەمی حووت دایە و ئەگەر ئەمساڵیش نەفەوتێت 2024 سێ مووچە دەفەوتێت و پێویستە مووچەخۆران داوای مافەكانیان بكەن”.
محەمەد حەكیم وتەبێژی كۆمەڵی دادگەریی كوردستان لە دیدارێكی تەلەفزیۆنیدا رایگەیاند، “سێ مووچەی مووچەخۆرانی هەرێمی كوردستان لە دەمی حووت دایە و ئەگەر ئەمساڵیش نەفەوتێت ساڵی 2024 سێ مووچەی مووچەخۆران دەفەوتێت و پێویستە مووچەخۆران داوای مافەكانیان بكەن”.
راشیگەیاند، ناڕوونی لە داتای پرسی نەوتی هەرێمدا هەیە و بەغداد داتاكانی لەبەردەستدایە و حكومەتی هەرێم هیچ وەڵامێكی نییە و دەبوو بە داهاتی ناوخۆ و ئەو نەوتەی خۆی دەیفرۆشێت مووچەی بدایە، چونكە كاتێك بە رێگەدا دەڕۆیت تانكەری نەوت خەریكە دێتە سەر ئوتۆمبێلەكەت.
وتیشی، “پێش ریفراندۆم هەرێم 100 پلە لە بەغداد بەرزتربووە و ئێستا عێراق هێزی هەیە هەرێمی كوردستان هیچ هەنگاوێكیشی بۆ یەكڕیزیی لە ناوخۆ نەداوە”.
