ئەمینداری وەزارەتی پێشمەرگە رایدەگەیەنێت، “هیچ پاساوێك بۆ ئەم ھێرشانە نییە جگە لە تێكدانی سەقامگیری و ئاڵۆزكردنی زیاتری دۆخی هەرێمی كوردستان”.
لیوا روكن بەختیار محەمەد ئەمینداریی گشتیی وەزارەتی پێشمەرگە، پەیامێكی سەبارەت بە هێرشەكەی سەر فڕۆكەخانەی عەربەت بڵاوكردەوە و رایگەیاند، “بەو بۆنە خەمناكەوە پرسە و سەرەخۆشیی خۆمان ئاراستەی كەسوكاری شەهیدەكانی ئەو هێرشە دەكەین و هیوای زووچاكبوونەوە بۆ برینداران دەخوازین بە هەموو شێوەیەك ئیدانەی ئەو پەلامارە دەكەین”.
و دەشڵێت، “پێمانووایە لەم بارودۆخەی كە لە ناوچەكە دەگوزەرێت هیچ پاساوێك بۆ ئەم هێرشانە نییە، جگە لە تێكدانی سەقامگیری و ئاڵۆزكردنی زیاتری دۆخی هەرێمی كوردستان و عێراق و دەوروبەری هیچی دیكەی لێناكەوێتەوە”.
