هەردوو پەرلەمانتار عەلی حەمەساڵح و سۆران عومەر دەڵێن، 78 ملیار دۆلار براوەتە دەرەوەی عێراق كە چوار بانكی هەرێمی كوردستانیش بەشداربوون
ئەو دوو پەرلەمانتارە راشیانگەیاندووە، “شێوازێكی مەترسیداری سپیكردنەوەی پارە لە ڕێگای بانكە ئەهلییەكانی عێراقەوە ئەنجامدراوە و لە ماوەی شەش ساڵدا 78 ملیار دۆلار لە 48 بانكەوە براوەتە دەرەوە بەبێ ئەوەی ناوی ئەو كەسانە تۆماركرابێت و دەشڵێت،”چوار بانكی هەرێمی كوردستانیش لە ناردنە دەرەوەی پارەكە بەشداربوون”.
ئاشكراشیانكرد، “ساڵانی(2009 – 2010 – 2011 – 2012 – 2013 – 2014)، نزیكەی 128 هەزار و 165حەواڵە بۆ دەرەوەی عێراق ئەنجامدراون كە بڕی پارەكە 209 ملیار و 999 ملیۆن دۆلاربووە، لە كۆی ئەم حەواڵە و بڕە 19 هەزار و 93 حەواڵەی كەس نازانێت كێ ناردوویەتییە دەرەوەی عێراق و بڕی ئەو پارانەش 78 ملیار و 583 ملیۆن دۆلارە”.
ئەو دوو پەرلەمانتارە دەشڵێن، “ئەو 78 ملیار دۆلارەش كە كۆدەكانی ناوی كەسی لەسەر نەبووە و حەواڵە كراوە لە ڕێگای 48 بانكەوە براوەتە دەرەوەی وڵات و بەشێك لەو بانكانە لقیان لە هەرێمی كوردستان هەیە، لەو 78 ملیار دۆلارە 10 ملیار و 781 ملیۆن دۆلاری لە ڕێگای چوار بانكی هەرێمەوە حەواڵە كراون كە بریتین لە:-
بانكی ئەریبل سێ ملیار و 619 ملیۆن دۆلاربانكی شیمال سێ ملیار و 916 ملیۆن دۆلاربانكی كوردستان یەك ملیار و 961 ملیۆن دۆلاربانكی جیهان یەك ملیار و 283 ملیۆن دۆلاركە بە كۆی گشتی 10 ملیار و 781 ملیۆن دۆلارە و لەم چوار بانكەوە براونەتە دەرەوەی عێراق بەبێ ئەوەی ناوی ئەو كەسانە بوونی هەبێت كە پارەكەیان ناردووە.
