بەڕێوەبەری تەندروستیی دهۆک رایگەیاند، سێ حاڵەتی تووشبوون بە کۆلێرا تۆمارکراوە و ژمارەیەکی دیکەش گوماندەکرێت تووشبووبن.
ئەڤرەسیاب موسا بەڕێوەبەری گشتیی تەندروستیی دهۆک لە کۆنگرەیەکی رۆژنامەوانیدا رایگەیاند، “سێ کەس لە سنووری پارێزگای دهۆک تووشی پەتای کۆلێرا بوونە، 50 کەسی دیکە گومانیان لێدەکرێت تووش بووبن”.
ئاماژەی بەوەشکرد، “ئەو سێ کەسەی تووشبوقن ، چارەسەریان وەرگرتووە و رەوانەی ماڵەوە کراونەتەوە”.
ئاشکراشیکرد، “لیژنەیەکمان پێکهێناوە و رێنمایی نوێ بۆ خواردنگەکان و بازاڕ دەردەکەین و هەموو ئەو هۆکارانەی دەبنە هۆی بۆ تووشبوون بە کۆلێرا قەدەغەی دەکەین”.
