كونسوڵی ئەمریكا: له‌ هه‌رێمی كوردستان و عێراق ده‌مێنینەوە

كونسوڵی ئه‌مریكا له‌ هه‌رێمی كوردستان ڕایده‌گه‌یه‌نێت، ئه‌مریكا له‌ هه‌رێمی كوردستان و عێراق ده‌مێنێته‌وه‌ و بارودۆخی ئه‌فغانستان جیاواز بوو‌.

ڕۆبه‌رت پاله‌دینۆ، کونسوڵی گشتی ئەمریکا لە هەرێمی کوردستان لە كۆنگرەیەكی ڕۆژنامەوانیدا ئەمڕۆ دووشەممە ڕایگەیاند، “بارودۆخی عێراق و ئەفغانستان جیاوازە و شەڕی داعش کۆتایی نەهاتووە، بۆیە بەرژەوەندییەکان وا دەخوازن پەیوەندییەکانی ئەمریکا و عێراق بەردەوامبن”.

وتیشی، “سەرۆک بایدن لە گرنگیی هەرێمی کوردستان و عێراق تێدەگات و بە ڕوونی بە مستەفا کازمی وتووە، سەقامگیریی عێراق بۆ ناوچەکە گرنگە”.

پالەدینۆ جەختی لەوەشکردەوە، “ئەمریکا هەرێمی کوردستان و عێراق جێناهێڵێت، تەنیا هێزە شەڕکەرەکان لە عێراق دەگوازێتەوە”.

دەربارەی هەڵبژاردنی پێشوەختەی عێراقیش، کونسوڵی گشتیی ئەمریکا لە هەرێمی کوردستان دەڵێت، “ئێمە وەک ئەمریکا پاڵپشتی و لایەنگریی هیچ لایەنێک ناکەین، بەڵام حکومەتی ئەمریکا پشتیوانی لە حکومەتی عێراق دەکات بۆ ئەنجامدانی هەڵبژاردنێکی پاک و شەفاف کە جێی متمانەی خەڵک بێت، هیوادارین خەڵکی عێراقیش بەشداریی پرۆسەی دەنگدان بکەن”.

بابەتی پێشتر

داقوق.. بۆمبێك لە پڕۆژەیەكی حكومیدا تەقییەوە و كەسێك كوژرا

بابەتی دواتر

هەشت پاڵاوگەی نایاسایی لە هەولێر داخران

بابەتی پەیوەندیدار