بەڕێوەبەرایەتیی هاتوچۆی سلێمانی لەسەر دووبارە شێواندنی هێماكانی هاتوچۆ لە چیای گۆیژە داوا لە هاوڵاتییان دەكات كە بەشداربن لە پارێزگاریكردن و پاراستنی هێما و تابلۆكانی هاتوچۆدا.
بەپێی راگەیەندراوێكی بەڕێوەبەرایەتیی هاتوچۆ كە وێنەیەكی دەست تۆڕی میدیایی ئێستا كەوتووە و تێیدا هاتووە، بۆ جاری دووەم هێماكانی هاتوچۆ لە چیای گۆیژە دەشێوێندرێت و بەڕێوەبەرایەتی هاتوچۆی سلێمانی داوادەكات كە هاوڵاتییان بەشداربن لە پارێزگاریكردن و پاراستنی هێما و تابلۆكانی هاتوچۆ، بەو پێیەی موڵكی گشتین و بۆ سەلامەتیی هاوڵاتییان لەسەر شەقامەكان فەراهەمكراون.
هاوكات، بەڕێوەبەرایەتییەكە لەگەڵ بڵاوكردنەوەی چەند چەند تابلۆیەك كە شێوێندراوە ئاماژەی بۆ ئەوەش كردووە، جارێكی دیكەش بە هەمان شێوە شێوێندرابوون و چاككراونەتەوە كە لەلایەن بەڕێوەبەرایەتیی ئەندازی هاتوچۆوە دانراون.
