لە ناو هۆڵێكی یاریی بۆڵینگدا لە ویلایەتی ئاڵینۆی ئەمریکا، کەسێک تەقەی هەڕەمەکیی کرد بەناو خەڵکدا و بەهۆیەوە سێ کەس کوژران و سیانی دیکەش برینداربوون.
ئاژانسی ئەسۆ شەیتد پرێس، ئەمڕۆ یەکشەممە 27ی کانونی یەکەم لە زاری دان ئۆوشی، فەرماندەی پۆلیس لە شاری ڕۆکفۆردەوە ڕایگەیاند، ” دوای تەقەکردنەکەی هۆڵی دۆن کارتەر لانیس بۆ یاریی بۆڵینگ، کەسێک کە پەیوەندی بە هێرشەکەوە هەبووە دەستگیرکراوە”.
Please continue to stay away from Don Carter’s area on East State Street. It’s still an active situation and officers are continuing to clear the area.
— RockfordILPolice (@RockfordPD) December 27, 2020
ئەو بەرپرسەی پۆلیس، هیچ زانیارییەکی دیکەی لە بارەی چۆنیەتی ڕوداوەکە و ناسنامە و زانیارییەکانی ئەو کەسەی دەستگیرکراوە نەخستەڕوو.
Active shooter investigation near Don Carter Lanes on E. State Street. Avoid the area.
— RockfordILPolice (@RockfordPD) December 27, 2020
ئەمە لەکاتێکدایە ڕۆژی هەینی 25ی كانونی یەكەم، تەقینەوەیەك لە ناوەندی شاری ناشڤیڵ لە ویلایەتی تێنیسی لە ئەمریکا ڕوویدا و بەهۆیەوە سێ كەس برینداربوون، پۆلیسی ئەو شارەش ڕایگەیاند، “تەقینەوەكە ڕێكەوت نەبووە و پێدەچێت لەڕێگەی بۆمبەوە ئەنجامدرابێت.”
