بنکەی کەشناسیی سعودیە بڵاویکردەوە، لە چەند کاتژمێری داهاتوودا با و بارانێکی زۆر شاری مەککە دەگرێتەوە و ئەگەری دروستبوونی لافاو هەیە.
دەستەی کەشناسی سعودیە لە راگەیەندراوێکدا بڵاویکردووەتەوە، “ئاستی مەترسییەکان لە شاری مەککە بۆ رەنگی سوور بەرزکراوەتەوە، بەهۆی هاتنی شەپۆلێکی بارانبارینی بەهێز و هەڵکرنی رەشەبا لە ناوچەکەدا کە چاوەڕێ دەکرێت لافاو لە هەندێک شوێن دروستببێت.
داوایشیکرد، هاوڵاتییان خۆیان بەدووربگرن لەو شوێنانەی ئاوی تێدا کۆدەبێتەوە.
بەپێی پێشبینییە کەشناسییەکان بارانبارین لە بەیانی رۆژی شەممەوە دەستپێدەکات و تا رۆژی چوارشەممە بەردەوام دەبێت.
