كەناڵی سی ئێن ئێن-ی ئەمریکی بڵاویکردووەتەوە، لە بۆردومانەکەی دوێنێی نزیک فڕۆکەخانەی کابول 9 کەسی ئەندامی یەک خێزان کوژراون و هەندێکیان منداڵن.
بەپێی هەواڵەکەی سی ئێن ئێن یەکێک لە کەسوکاری ئەو 9 کەسە کوژراوە ڕایگەیاندووە، “شەش کەس لە کوژراوەکان منداڵن و بچوکترینیان تەنها تەمەنی دوو ساڵ بووە”.
دوای بڵاوبوونەوەی ئەو هەواڵە، وەزارەتی بەرگریی ئەمریکا بەڵینداوە لەبارەی ڕاستی و دروستیی ڕووداوەکەوە لێکۆڵینەوە بکات.
دوێنێ سوپای ئەمریکا بۆردومانی ماڵێکی لە نزیک فڕۆکەخانەی کابول کرد، بە وتەی بەرپرسانی سوپای ئەمریکا بۆردومانەکە بۆسەر ئەندامانی داعش بووە لەو ناوچەیە.
ساڵانە بەهۆی بۆردومانەکانی ئەمریکاوە چەندین کەسی مەدەنی دەکوژرێن، دوای لێکۆڵینەوە ئاماری قوربانییە مەدەنییەکان دەخرێتەڕوو.
