لە رووداوێكدا، ئاهەنگێك دەربارەی زانینی رەگەزی كۆرپەیەك بووە كارەساتێكی راستەقینەی پێشبینی نەكراو لەو جۆرە ئاهەنگانەدا.
دوو هاوژینی مەكسیكی لە باخچەكەیان و لە بەردەم شوێنی رازێندراودا بوون وەك ئامادەكارییەك بۆ ئاشكراكردنی رەگەزی كۆرپە نوێیەكەیان، دواتر فڕۆكەیەك بەسەر سەری ئامادەبوواندا فڕی و رەنگی پەمەیی رشت و بڵاوكردەوە وەك ئاماژەیەك بۆ ئەوەی كۆرپەكە كچ-ە.
بەڵام بە چەند چركەیەكی كەمی پاش فڕینی بەسەر ئامادەبوواندا، فڕۆكەكە تێكشكا و بووەهۆی گیانلەدەستدانی فڕۆكەوانەكەی.
Plane crashes during a ‘gender reveal party’. The pilot died.
And all that for a child that has a different gender in a few years… or even no gender. pic.twitter.com/yL4ef7oF8r
— iamyesyouareno (@iamyesyouareno) September 3, 2023
دەسەڵاتداران قوربانییەكەیان لەنێو فڕۆكە تێكشكاوەكەدا دەرهێنایەوە، پاش ئەوەی لەلایەن یەكێك لە ئامادەبووانی بۆنەكەوە داوای هاوكاری و بەتەنگەوە چوونیان لێكرا.
سەرەڕای ئەوەی لەلایەن تیمی فریاگوزارەوە فڕۆكەوانەكە رەوانەی نەخۆشخانە كرا، بەڵام گیانیلەدەستدا.
