ئەندامێکی پەرلەمانی کوردستان رایگەیاند، “وەزارەتێک بە دوو مانگ نەتوانێت لیستێکی مووچە ئامادەبکات دەبێت سزابدرێت”.
هەردی سەڵاح، ئەندامی پەرلەمانی کوردستان رایگەیاند، “وەزارەتی دارایی و ئابوری بەمشێوەیە زیادەیە و زیانیشە، وەزیر و گزیری ئەو وەزارەتە لەبری ئەوەی مووچەیان پێبدرێت دەبێت سزابدرێن”.
باس لەوەشدەکات، “وێڕای نەدانی مووچەی سێ مانگی خەڵکی کوردستان، ئەوە دەچینە ناو مانگی دوو، کەچی وەزارەتی لێبڕین و لێدزین بە ئیرشادی سەرانێک لەو حکومەتە فاشیلە تائێستا لیستی مووچەی مانگی یەکیان پێ ئامادە نەکراوە”.
ئەو پەرلەمانتارە دەڵێت، “وەزارەتێک بە دوو مانگ لیستێکی مووچەی پێ ئامادە نەکرێت دەبێت سزا بدرێت و لابدرێت”.
هەردی سەڵاح، ئەوەش دەڵێت، “وەزارەتی دارایی هەموو ئیشەکەی بووە بە ریکلامی بێکەڵک بۆ هەژماری دزی و دەست خستنە ناو قووت و مووچەی خەڵک”.
