سەرۆکایەتییی شارەوانیی دوکان بڵاویکردەوە، بەشێک لە شاخی سەر شەقامی گشتی دوکانی سەروو داڕما و بەهۆیەوە دوو هاوڵاتیی بە سوکی برینداربوون و زیانی ماددیش بەر ئۆتۆمبێلێک کەوت.
سەرۆکایەتیی شارەوانیی دوکان بڵاویکردەوە، “ئێوارەی ئەمڕۆ بەهۆکاری سروشتی بەشێک لە شاخی سەر شەقامی گشتی دوکانی سەروو داڕما و بەو هۆیەوە ستوونێکی کارەبا کەوت و ئۆتۆمبێلێکی تاکسی زیانی بەرکەوت و شۆفێر و سەرنشینێکی بەسوکی برینداربوون”.
ئاماژەی بەوەش کرد، “لە ئێستادا تیمەکانی شارەوانیی دوکان سەرقاڵی پاکردنەوەی شەقامەکەن داوا لە شۆفێران دەکەین بە ووریاییەوە هاتوچۆ بەشەقامەکەدا بکەن و رێگە لاوەکیەکە بەکاربهێنن”.
