لەسەر سنووری ئێران – عێراق دوو زیارەتکاری ئێرانی دەستگیرکران کە ویستبوویان بە ئێسک و پرووسکی دوو کەسی کۆچکردووی کەسوکاریانەوە داخڵی خاکی عێراق ببن.
پۆلیسی ئێران بڵاویکردەوە، “ئەمڕۆ لەسەر سنووری ئێران – عێراق لە خۆرئاوای وڵاتەکە، دوو زیارەتکاری ئێرانی دەستگیرکراون کە ویستوویانە بە بیانووی رێورەسمی چلەوە داخڵی خاکی عێراق ببن”.
ئاشکراشیکرد، “دەستبەسەر ئێسک و پرووسکی دوو کەسدا گیراوە، لەناو جانتای ئەو دوو زیارەتکارەدا، دوای لێکۆڵینەوە لەگەڵیاندا دانیان بەوەدا ناوە ئێسک و پروسکی دوو کەسی نزیکیانن یەکێکیان بەر لە 28 ساڵ کۆچی دواییکردووە، ئەوی دیکەشیان لە ساڵی 2018 ەوە کۆچی دواییکردووە”.
باسیلەوەشکرد، “بە وتەی زیارەتکارەکان هەردوو کۆچکردووەکە پێشتر وەسیەتیان کردووە لە عێراق بەخاکیان بسپێرن، ئەمانیش بۆ جێبەجێکردنی وەسیەتەکان، ئێسک و پروسکەکانیان گواستووەتەوە”.
لە ئێستادا هەردوو تۆمەتبارەکە دەستبەسەرن و لەژێر لێکۆڵینەوەی زیاتری پۆلیسی ئێراندا ماونەتەوە.
