سەرۆكی رێكخراوی یەكێتیی مامۆستایانی كوردستان هۆكاری نەناردنی مووچە و بودجەی هەرێم لەلایەن بەغدادەوە ئاشكرادەكات و دەڵێت، “سەرۆك وەزیرانی عێراق رایگەیاندووە، چەند یاسایەك هەیە كە رێگریدەكات لە ناردنی مووچە و بودجە بۆ هەرێم و پێویستە هەرێمی كوردستان ئامادەی زیاتر بێت بۆ رێككەوتن لەگەڵ بەغداد”.
ئەحمەد گەرمیانی سەرۆكی رێكخراوی یەكێتیی مامۆستایانی كوردستان لە دیدارێكی تەلەفزیۆنیدا رایگەیاند، لە كۆبوونەوەكەمان لەگەڵ سەرۆك وەزیرانی عێراق نیگەرانی مووچەخۆرانمان گەیاندە محەمەد شیاع سودانی و بە هەموو شێوەیەك پشتیوانی تەواوی داواكارییەكانی كردم و وتی،” ئاگاداری خراپیی دۆخی دارایی هەرێمی كوردستانم، بەڵام چەند یاسایەك هەیە لەسەروو منە لەوانە یاسای بودجە و ئەگەر ئەوە نەبووایە ئێستا واژووم لەسەر ناردنی مووچە و بودجە دەكرد و نامانەوێت پێچەوانەی یاساكە هەنگاو بنێين و دواتر لە دادگای فیدراڵی سكاڵا تۆماربكرێت بۆیە پێویستە هەرێمی كوردستان زیاتر بێتە پێشەوە بۆ رێككەوتن و چارەسەركردنی كێشەكانی نێوان هەرێم و بەغداد.
ئاماژەی بۆ ئەوەش كرد، سەرۆك وەزیرانی عێراق راشیگەیاند، “لە زووترینكاتدا مووچەی فەرمانبەرانی هەرێمی كوردستان دەنێرێن و ئێمەش وەكو یەكێتیی مامۆستایان تەواوی كێشە و گرفتەكانمان گەیاندە سەرۆك وەزیرانی عێراق”.
