لە ماڵێکدا لە پارێزگای زیقاری باشووری عێراق، بەهۆی ئاگرکەوتنەوەوە شەش کەسی یەک خێزان گیانیان لەدەستدا.
سەرچاوە ئەمنییەکان باس لەوە دەکەن، لە ناوچەی جەوادین لە ناسریە، ئاگر لە ماڵێکدا کەوتووەتەوە و بەهۆیەوە شەش کەس کە سەرجەمیان ئەندامی یەک خێزانن گیانیان لەدەستداوە.
ئەوانەی گیانیان لەدەستداوە دوو هاوسەر و منداڵەکانیان بوو و کەسێکی دیکەش بریندارە.
بەپێی سەرچاوە عێراقییەکان هۆکاری ئاگرەکە کێشەی شۆرتی کارەبا بووە.
