وەزارەتی سامانە سروشتییەکان رایدەگەیەنێت، چەند جارێك داوایان لە حكومەتی فیدراڵی و كۆمەڵگەی نێودەوڵەتی كردووە بۆ کۆتاییهێنان بە هێرشە درۆنییەکان.
لە راگەیەندراوێکی وەزارەتی سامانە سروشتییەکانی هەرێمدا هاتووە، ئەمڕۆ بۆ جارێكی دیكە كاتژمێر 10:55 ی بەیانی لە رێگای درۆنی بۆمبڕێژكراو هێرشكرایە سەر كێڵگەی نەوتی DNO لە تاوكێ لە سنووری ئیدارەی سەربەخۆی زاخۆ، هێرشەكە زیانی گیانی و ماددی لێنەكەوتووەتەوە.
ئاماژەی بەوەشکرد، ئەم جۆرە هێرشانە بۆ سەر ژێرخانی ئابووری هەرێمی كوردستان بە تووندی ئیدانە و شەرمەزار دەكەین و چەند جارێكیش داوامان لە حكومەتی فیدراڵی و كۆمەڵگەی نێودەوڵەتی كردووە بۆ پاراستنی گیانی هاوڵاتیانی نزیك بەم ناوچانە و گیانی كارمەندانی مەدەنی بپارێزن و رێگری لە هێرشەكان بۆ سەر هەرێمی كوردستان و كەرتی وزە بکەن.
