لەبەرامبەر دەستگیرکردنی پەیامنێرەکەی لە شاری هەولێر تۆڕی میدیایی ئێستا بەیاننامەیەکی ناڕەزایەتیی بڵاوکردەوە کە ئەمە دەقەکەیەتی:
بەیاننامەیەک بۆ رای گشتی
بەیاننامەیەک بۆ رای گشتی و رێکخراوەکانی داکۆیکار لە میدیاکاران، نوێنەی وڵاتان لە هەرێمی كوردستان و رێكخراوەكانی كۆمەڵگەی مەدەنی
ئەمڕۆ 23 ی 8 ی 2023 لە کاتی روماڵكردنی گردبوونەوەی ناڕەزایی دانیشتووانی گەڕەكی بەهاری نوێ لە هەولێر، كە لەبەرامبەر كێشەی كەمئاوی ناڕەزاییان دەربڕیبوو، هێزێكی ئەمنی پەیامنێری تۆڕی میدیایی ئێستا بەناوی “دیار حسێن” دەستگیردەكەن و بەرەو شوێنێكی نادیار دەیگوازنەوە و دەستیش دەگرن بەسەر كەلوپەلە رۆژنامەوانییەكانیاندا.
تۆڕی میدیایی ئێستا ئیدانەی ئەم کردەوە ناپەسەندە ھەمیشەییەی دەزگا ئەمنییەکانی ھەولێر دەکات و پاراستنی سەروگیانی پەیامنێرمان دیار حسێن دەخاتە ئەستۆی ھێزە ئەمنییەکان، دواکارین لە زووترین کاتدا پەیامنێری تۆڕەکەمان ئازاد بکەن.
داوا لە گشت لایەک دەکەین کە ھاوکار و ھەماھەنگبن تا کۆتایی بەم ڕەشبگیرییەی رۆژنامەنووسان بھێنرێت و ھێزە ئەمنییەکان بە ئەرکی خۆیان ھەڵسن و واز لە گیانی رۆژنامەنووسان بھێنن و لێبگەڕێن ئەرکە پیشەییەکانی خۆیان لە گەیاندنی داواکاری خەڵکدا جێبەجێ بکەن.
لە ھەمان کاتدا ئەو پەڵە رەشە کە بوەتە لەکە بۆ سەر ئەزموونەکەمان و پرسی ئازادی رادەڕبڕین و کاری رۆژنامەوانی نەیهێڵن تا چیتر ئەزموونی دیموکراسی هەرێم لەوە زیاتر لەکەدارتر نەکرێت.
لەگەڵ ڕێزماندا
تۆڕی میدیایی ئێستا
