هەوڵێكی بردنی سێ ئۆتۆمبێلی بارهەڵگر بۆ ئێران پوچەڵكرایەوە

یەكێك لە بارهەڵگرەكان

لە دەروازەی پەروێزخان دەستبەسەر سێ ئۆتۆمبێلی بارهەڵگری عێراقیدا گیرا، کە هەوڵدەدرا بە ساڵانە و تابلۆی ساختەی ئێرانییەوە ببرێنە ئەو وڵاتە.

کۆمەڵگای دەروازەی نێودەوڵەتیی پەروێزخان بڵاویكردەوە، ئۆتۆمبێلەكان هەڵگری ساڵانە و تابلۆی عێراقین، بەڵام ساڵانە و تابلۆی ئێرانی ساختەیان بۆ دروستکراوە.

شۆفێری ئۆتۆمبێلەکان ئێرانین، لەکاتی ئاشکرابوونیان وتویانە “ئەوان بۆ بردنی ئەو ئۆتۆمبێلانە هاتوونەتە هەرێمی کوردستان و لەلایەن کەسێکەوە لە سلێمانی ئۆتۆمبێلەکانیان پێدراوە تا بیبەنە وڵاتی ئێران و لەوێ بیانفرۆشن”.

لە 17ی ئەم مانگەش ئۆتۆمبێلێکی دیكەی بارهەڵگری عێراقی لەو دەروازەیە دەستی بەسەردا گیرا، کە هەوڵدرا بەهەمان شێوە ببرێتە ئێران.

دەروازەی پەروێزخان ڕوونیكردووەتەوە، ئەو کارە بەپێی یاسا گومرگیەکان قاچاغ و نایاساییە، بۆیە بۆ ئەنجامدانی ئیجرائاتی یاسایی کەیسی هەر چوار شۆفێرەکە ڕەوانەی بەشی یاسایی بەڕێوەبەرایەتی گومرگی گەرمیان کراون.

بابەتی پێشتر

ئەستێرەیەكی جیهانی توانای قسەكردن لەدەستدەدات و واز لە نواندن دەهێنێت

بابەتی دواتر

كۆشكی سپی: پوتین لە بارەی شەڕی ئۆكرانیا زانیاریی هەڵەی پێدراوە

بابەتی پەیوەندیدار
زیاتر ببینە

ئاسایشی ڕۆژئاوای سلێمانی: حەوت داواكراو بە ماددەی دووی تیرۆر دەستگیركران

بەڕێوەبەرایەتیی ئاسایشی سلێمانی ڕایدەگەیەنێت، حەوت داواكراو بە ماددەی دووی تيرۆر لەلایەن هێزەكانمانەوە دەستگیركران. بەپێی ڕاگەیەندراوێكی بەڕێوەبەرایەتیی ئاسایشی ڕۆژئاوای…
زیاتر ببینە

تانکەرێکی سووتەمەنی گڕیگرت

لە ناحیەی بازیانی سەر بە پارێزگای سلێمانی تانکەرێکی سووتەمەنی، دوای وەرگەڕانی، ‏سووتا، شۆفێرەكەی بریندار بووە. ‏ لە لێدوانێکدا…
Total
0
Share