بەڕێوبەرایەتی پۆلیسی ڕاپەڕین ڕایدەگەیەنێت، تەرمی كچێك گەیەندراوەتە نەخۆشخانەی ڕاپەڕین و دەشڵێت، پێدەچێت ڕوداوەکە خۆكوژی بێت.
بەڕێوبەرایەتی پۆلیسی ڕاپەڕین ئەمڕۆ سێشەممە 13ی نیسان بڵاویكردەوە، کاتژمێر 03:20 خولەکی دوای نیوەڕۆی ئەمڕۆ تەرمی کچێکی تەمەن 23 ساڵ بەناوی (س.خ.ر.) گەیەندرایە نەخۆشخانەی گشتیی ڕانیە کە پیشەی خوێندکارە و دانیشتووی قەزای ڕانیە-یە.
“دوای ئەوەی لەلایەن پزیشکەوە مردنەکەی پشتڕاستکرایەوە، تەرمەکەی گواسترایەوە بۆ پزیشکی دادوەری سلێمانی بۆ زانینی هۆکاری ڕاستەقینەی مردنەکەی” وەك ئەوەی پۆلیسی ڕاپەڕین بڵاویكردوەتەوە.
دەشڵێت، پۆلیسی بەڵگەکانی تاوانی ڕاپەڕین گەیشتنە شوێنی ڕوداوەکە و بەگوێرەی لێکۆڵینەوە سەرەتاییەکان پێدەچێت ڕوداوەکە خۆهەڵواسین بێت و لە شوێنی ڕوداوەکەش دەستگیرا بەسەر ئەو لەچکەی خۆی پێهەڵواسیوە.
بەپێی ڕاگەیەنراوەكەی پۆلیس، دۆسیەی لێکۆڵینەوە بۆ ڕوداوەکە کرایەوە و لێکۆڵینەوە لە هۆکاری ڕاستەقینەی ڕوداوەکە بەردەوامە.
