لەکاتی هەوڵدانی بۆ نیشتنەوە لە فڕۆکەخانەی کوالالمپوری مالیزیا فڕۆکەیەکی بچوک خۆیکێشان بە ئۆتۆمبێلێک و ماتۆڕسکیلێکدا و بەهۆیەوە لانی کەم 10 کەس گیانیان لەدەستدا.
بەرپرسانی مالیزیا بڵاویانکردەوە، “لە کاتی هەوڵدانی بۆ نیشتنەوە فڕۆکەیەکی نەفەرهەڵگری بچوک لە جۆری Beechcraft 390-primer 1، کە شەش سەرنشین و دوو تیمی فڕۆکەوانی هەڵگرتبوو پەیوەندی بە بورجی چاودێری فڕۆکەخانەی کوالالمپور پچڕاوە و خۆی کێشاوە بە ئۆتۆمبێلێک و ماتۆڕسکیلێکدا کەلەسەر رێگای خێرابوون”.
لە رووداوەکەدا 10 کەس گیانیان لەدەستداوە و بەڵام هیچ ئاماژەیەک بەوەنەکراوە رزگاربوو لە رووداوەکەدا هەبووبێت.
لێکۆڵینەوەکان لە رووداوەکە دەستیان پێکردووە بۆ ئاشکراکردنی هۆکاری تەواوەتی رووداوەکە.
