سەرۆکی ئەمریکا.. زۆرترین دەسەڵات لەلای بەهێزترین پیاوی جیهان

“بەهێزترین پیاوی جیهان”، ئەو وەسفەی کە نوێ نییە بۆ سەرۆکی ویلایەتە یەکگرتووەکانی ئەمریکا و بەڵکو دەربڕینێکە چەندین ساڵە بۆ گەورەی کۆشکی سپی بەکاردەهێنرێت، سەرۆکی ئەو وڵاتەی ڕێڕەوی سیاسەتی جیهان دادەڕێژێت و حکوم بە ئابوریی جیهانەوە دەکات.

ئەو دەسەڵاتانەی دراوە بە سەرۆکی ئەمریکا فراوانە چ لە ڕووی سیاسی، ئابوری و سەربازیشەوە لێرەدا دەسەڵاتەکانی سەرۆکی ویلایەتە یەکگرتوەکانی ئەمریکا دەخەینەڕوو:

سەرپەرشتی کردنی جێبەجیکردنی یاساکان

سەرۆکی ئەمریکا ڕاستەوخۆ سەرپەرشتیی جێبەجێکردنی یاساکان دەکات.

دامەزراندنی سەرجەم پۆستەکان

سەرۆکی ئەمریکا سەرجەم کەسەکان بۆ پۆستەکان دادەمەزرێنێت، لەوانە پۆستە وەزاری، ئیداری و سەرۆکەکان هەروەها ئەندامانی دادگای باڵای فیدراڵی دادەمەزرێنێت بە ڕەزامەندیی ئەنجومەنی پیران.

مافی لێخۆشبوون و ڕاگرتنی سزاکان

سەرۆکی ئەمریکا مافی لێخۆشبوون و ڕاگرتنی جێبەجێکردنی سزاکانی هەیە بۆ ئەو تاوانانەی دژی ئەمریکا دەکرێن.

مافی ڤیتۆ

خاوەنی گەورەترین پۆست لە ویلایەتە یەکگرتووەکانی ئەمریکا مافی ڤیتۆ کردنی هەر یاسا و بڕیارێکی هەیە.

دەسەڵاتی بێسنوری سەربازی

لەلایەنی سەربازییەوە سەرۆکی ئەمریکا دەسەڵاتی بێسنوری پێدراوە، دەسەڵاتی هەیە فەرمان بە سوپا بکات بۆ ئەنجامدانی ئۆپەراسیۆن و چالاکیی سەربازیی لە خاکی وڵاتانی دیکەدا بەبێ ڕاگەیاندنی حاڵەتی جەنگ.

بابەتی پێشتر

خشتە و کاتەکانی ئەمڕۆ، شەممەی خولەکانی ئەوروپا بەکاتی هەرێمی کوردستان

بابەتی دواتر

بە دوو مانگ پێدری 20 سەرکەوتووە و مێسی 20 دابەزیوە

بابەتی پەیوەندیدار