لە سێ پارێزگا حكومەت بەدوایەوە بوو لە كەركوك خۆی كردبوو بە عەمید

وەزارەتی ناوخۆی عێراق ئاشكرایكرد، “تۆمەتبارێك لە كەركوك دەستگیركراوە كە خۆی بە عەمید ناساندووە و چەندین بەڵگەنامەی ساختە و تۆماری دەنگی پێبووە.”

لە ڕاگەیاندراوێكدا كە ئەمڕۆ چوارشەممە 24ی كانونی یەكەم بڵاویكردەوە، وەزارەتی ناوخۆی عێراق ڕایگەیاند، “مەفرەزەكانی كاروباری ناوخۆ لە پارێزگای كەركوك، تۆمەتبارێكیان لە شاری كەركوك دەستگیركردووە كە خۆی وەك عەمیدی وەزارەتی ناوخۆ بە خەڵك ناساندووە.”

ڕوونیشیكردەوە كە ئەو تۆمەتبارە لە ژێر ناو و پلەی عەمید-دا، فێڵی لە هاوڵاتییان كردووە و لەكاتی دەستگیركردنیدا دەستگیراوە بەسەر ژمارەیەكی زۆر لە بەڵگەنامەی ساختە و تۆماری دەنگی و تابلۆی ئۆتۆمبیل و پۆشاكی سەربازی بە پلەی عەمید.

ڕاگەیاندراوەكەی وەزارەتی ناوخۆی عێراق دەڵێت، “لەكاتی لێكۆڵینەوەدا تۆمەتبارەكە دانی بەوەدا ناوە كە لە پارێزگاكانی بەغداد، بابل و دیالە لەلایەن دادگاوە داواكراوە و هێزە ئەمنییەكان بەدوایەوە بوون.”

بابەتی پێشتر

بەریتانیا و ئەوروپا لەبارەی پەیوەندی نێوانیان ڕێککەوتن

بابەتی دواتر

سەرۆكی پەرلەمان: موچە هێڵی سوورە و بندیوارەكان دەربكەن

بابەتی پەیوەندیدار
زیاتر ببینە

هەڵبژاردنەكەی عێراق دواخرا

ئەنجومەنی وەزیرانی عێراق ئەمڕۆ سێشەممە 19ی كانونی دووەم ڕایگەیاند، “هەڵبژاردنی پەرلەمانیی پێشوەختە دواخرا بۆ 10ی مانگی ئۆكتۆبەری داهاتوو.”…
Total
1
Share