ئەندامێكی لیژنەی نەوت و وزە لە ئەنجومەنی پارێزگای سلێمانی رایدەگەیەنێت، لە ئێستادا نرخی یەك بەرمیل نەوتی سپی بە 140 بۆ 150 هەزار دینارە و ئەگەر حكومەت پاڵپشتی نەكات و نەوت بۆ هاوڵاتییان دابیننەكات ئەوا لە وەرزی زستاندا نرخی یەك بەرمیل نەوتی سپی بەرزدەبێتەوە بۆ 250 هەزار دینار.
كەریم عەلی ئەندامی لیژنەی نەوت و وزە لە ئەنجومەنی پارێزگای سلێمانی لە لێدوانێكدا بە تۆڕی میدیایی ئێستای راگەیاند، لە ئێستادا خواست لەسەر نەوتی سپی كەمە و نرخی یەك بەرمیل نەوت لە 140 بۆ 150هەزار دیناردا و پاڵاوگەكانیش لەم وەرزەدا بەرهەمی ناهێنن.
راشیگەیاند، ئەگەر حكومەت پاڵپشتی نەكات، ئەوا هاوشێوەی ساڵانی رابردوو لە وەرزی زستاندا نرخی یەك بەرمیل نەوتی سپی دەگاتە 250 هەزار دینار بۆیە دەبێت رێوشوێنی پێویست بگیرێتەبەر و نەوتی سپی بۆ هاوڵاتییان دابینبكرێت.
