پۆلیسی سلێمانی دەستگیركردنی گەنجێك بە تۆمەتی تەقەكردن ڕادەگەیەنێت.
بەڕێوەبەرایەتیی پۆلیسی پارێزگای سلێمانی ڕایگەیاند، دوای ئەوەی لە گەڕەکی ئازادی شاری سلێمانی دەنگی تەقە بیسترا، مەفرەزەکانی بنکەی پۆلیسی ئازادی گەیشتنە ئەو شوێنەی تەقەکەی لێکرابوو، توانرا تەقەکەرەکە دەستگیربکەن و دەستیشبگرن بەسەر ئەو دەمانچەیەدا کە تۆمەتبارەکە تەقەی پێکردبوو.
دەشڵێت، لەئێستادا تۆمەتبار (ز.ط.ر.) لەدایکبووی 2000 بە بڕیاری دادوەر ڕاگیراوە و لێکۆڵینەوە لەگەڵیدا بەردەوامە.
