حکومەتی هەرێمی کوردستان ئاشکرایکرد کە حکومەتی عێراق بڕئ تەنها 598 ملیار دینار ناردووە، بەپێی وەزیری ئاوەدانکردنەوەی عێراقیش هۆکارەکەی کێشەی تەکنیکییە.
فەرمانگەی میدیا و زانیاریی حکومەتی هەرێمی کوردستان بڵاویکردەوە کە تا ئێستا حکومەتی عێراق بڕی 598 ملیار دیناری رەوانە کردووە بۆ هەرێم.
لەوبارەیەوە بەنگین رێکانی وەزیری ئاوەدانکردنەوەی عێراق بە میدیاکانی راگەیاند، ئێستا بڕێک پارە رەوانەی هەرێمی کوردستان دەکرێت، بەشەکەی دیکەشی لە کاتێکی تردا دەنێردرێت.
سەبارەت بە هۆکارەکەی وتی، هۆکارەکەی نە کێشەی یاساییە نە سیاسی بەڵکو کێشەیەکی تەکنیکییە و چارەسەر دەبێت.
جەختیکردەوە لە مانگەکانی داهاتوودا ئەو کێشەیە دووبارە نابێتەوە.
