بەشێک لە مامۆستایان و فەرمانبەرانی زانكۆی سلێمانی گردبوونەوە و ڕایدەگەیەنن، بەبێ وەرگرتنی مووچەکانیان ناتوانن لە دەوامکردن بەردەوامبن.
تا ئێستا مووچەی مانگی ئازاری مامۆستایان و فەرمانبەرانی وەزارەتی خوێندنی باڵا لە سنووری پارێزگای سلێمانی دابەشنەکراوە و مامۆستایان و فەرمانبەرانی زانكۆی سلێمانی ئەمڕۆ لە هەردوو كامپی نوێ و كۆنی زانكۆ خۆپیشاندانیان ئەنجامدا و بۆ ماوەیەك ڕێگای سەرەكی تاسڵوجە- سلێمانیان داخست.
خۆپیشاندەران ناڕازیی بوون لەوەی تا ئێستا مووچەی مانگی ئازاری مامۆستایان و فەرمانبەرانی وەزارەتی خوێندنی باڵا و توێژینەوەی زانستی لە سنووری پارێزگای سلێمانی دابەشنەکراوە و دەڵێن، ناچنەوە سەركارەكانیان تاوەكو مووچەكانیان پێنەدرێت.
