وەزارەتی پەروەردەی هەرێم رایدەگەیەنێت، بڕیاردرا بە تەرخانكردن و خەرجكردنی گوژمەی شەش ملیار دینار بۆ دروستكردنی 348 پۆلی نوێی خوێندن بۆ خوێندنگەكان لە هەرێمی كوردستاندا.
بەپێی راگەیەندراوێكی وەزارەتی پەروەردەی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، بڕیاردرا بە تەرخانكردن و خەرجكردنی گوژمەی شەش ملیار دینار بۆ دروستكردنی 348 پۆلی نوێی خوێندن بۆ خوێندنگەكان لە سەرجەم پارێزگا و ئیدارە سەربەخۆكاندا.
هەر لە راگەیەندراوەكەدا هاتووە، لە ماوەی چوار ساڵدا 452 ژووری نوێی خوێندن دروستكراوە و ئەو تەرخانكردنە نوێیە لە چوارچێوەی پلانی فراوانكردنی ژێرخانی پەروەردەییە.
