پۆلیسی سلێمانی بە تۆمەتی هەڵگرتنی چەکی بێمۆڵەت و رێگریکردن لە هاوڵاتییان سێ کەس دەستگیرکراون و دەستگیراوە بەسەر چەکەکانیشیاندا.
لە راگەیەندراویكدا پۆلیسی سلێمانی ئاشکرایکردووە، “دوای ئەوەی هاوڵاتییەك سكاڵای تۆماركرد كە لەلایەن چەند كەسێكی نەناسراوەوە ڕێگری لێكراوە و بەچەك هەڕەشەی لێكراوە، هێزەكانی پۆلیس لێكۆڵینەوەكانی دەستپێكرد، دوای گەڕان و بەدواداچوونەكان توانرا تۆمەتبارەکان بدۆزرێنەوە”.
لە راگەیەندراوەکەدا هاتووە، “لەلایەن بەشی پۆلیسی پێنجوێن و ئاسایشی پێنجوێنەوە تۆمەتبارەکان دەستگیرکراون و لەكاتی دەستگیركردنیشیاندا دەستگیرا بەسەر دوو چەك لە جۆری دەمانچەیەك و كڵاشینكۆفێكدا لەگەڵ ئۆتۆمبێلێك كە بە تۆمەتباران بووە” .
لەئیستادا تۆمەتباران :ب،ح،م لەدایكبووی 1989، ب،ع،ح لەدایكبووی 1989، د،م،ج لەدایكبووی 1988 بەبڕیاری دادوەر ڕاگیراون و لێكۆڵینەوە لەگەڵیان بەردەوامە .
