لەلایەن ئاسایشی هەولێرەوە سێ كەس بە تۆمەتی هۆكاری مردنی هونەرمەندە میللییەكەی ئەو شارە دەستگیركران.
بەڕێوەبەرایەتیی ئاسایشی هەولێر رایگەیاند، ئەو تۆمەتبارانەی لەسەر کێشەیەکی کۆمەڵایەتی تەقەیان لە ماڵی محەمەد بامەندی-ی هونەرمەندی میللیی هەولێر کرد و بووە هۆی گیانلەدەستدانی، دەستگیركران.
دەشڵێت، دوای وەرگرتنی رەزامەندیی دادوەری لێکۆڵینەوەی ئاسایش، کەسی تەقەکەر بەناوی (ش.م.ع.) و دوو برای بە ناوەکانی (ر.م.ع.) و (ح.م.ع.) دەستگیرکران و رووبەڕووی یاسا كرانەوە.
شەوی رابردوو محەمەد بامەندی بەهۆی جەڵتەی دڵەوە گیانیلەدەستدا، دوای ئەوەی لەگەڵ دراوسێیەكیدا تووشی شەڕ و دەمەقاڵێ بوو.
