لەو لافاوەی ماوەی چەند رۆژێکە پەکینی پایتەختی چینی گرتووەتەوە لایەنی کەم 11 کەس گیانیان لەدەستداوە و 27 کەسی دیکەش بێسەروشوێن بوون
میدیا ناوخۆییەکانی چین بڵاویانکردەوە، “لە رۆژی شەممەوە شەپۆلێکی بارانبارینی بەهێز پەکینی پایتەختی چینی گرتووەتەوە بەهۆیەوە تا ئیستا تەرمی 11 کەس دۆزراونەتەوە 27 کەسی دیکەش بێسەروشوێن بوون”.
ئەو بارانە وەرزییەی پەکینی گرتووەتەوە لە ماوەی 40 کاتژمێردا هێندەی بارانبارینی یەک مانگ بارانباریوە.
شەپۆلەکە سەرەتا لە باشووری رۆژهەڵاتەوە دەستیپێکردووە بۆ باکوور، ئەمەش پاش ئەوەی بە فلیپیندا تێپەڕی و چاوەڕێ دەکرێت ژمارەی قوربانیان و زیانە ماددیەکانیش بەرزبووەوە.
