ماڵپەری شەفافییەت داهاتی یەك هەفتەی سلێمانی رادەگەیەنێت كە زیاتر لە 23 ملیار دینار بووە.
داهاتی یەك هەفتەی سلێمانی لە 22ی تەمموز تا وەكو 28ی تەمموز بڕی 23 ملیار و 756 ملیۆن و 247 هەزار و 916 دینار بووە، بە جۆرێك كە زیاتر لە 21 ملیار دیناری نەختینەیە و هەروەها زیاتر لە دوو ملیار دینار بەشێوەی چەكە و 368 ملیۆن دیناریش مقاسەیە.
ماڵپەری شەفافییەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەكانی راپەڕین و گەرمیانە و داهاتی یەك هەفتەی راگەیاندووە بە شێوەیەك، داهات بڕی 23 ملیار و 756 ملیۆن و 247 هەزار و 916 دینار بووە، كە 21 ملیار و 245 ملیۆن و 579 هەزار و 584 دیناری واتە 89% نەختینەیە و هەروەها دوو ملیار و 142 ملیۆن و 358 هەزار و 622 دینار دەكاتە 9%ی بە شێوەی چەكە و بڕی 368 ملیۆن و 336 هەزار دینار مقاسەیە.
